Blogs bied kommentaar of nuus in werklike tyd oor 'n spesifieke onderwerp, soos diere, politiek, plaaslike nuus of sommer net jou eie gedagtes. Geen wonder dus dat baie blogs soos 'n persoonlike aanlyn-dagboek funksioneer nie. Die meerderheid dien egter as 'n virtuele voorportaal vir 'n sakebedryf.

Dikwels vind 'n doodgewone blog wat deur 'n doodgewone mens bedryf word, sy pad na 'n uitgewer toe - met skouspelagtige gevolge wanneer dié boek die winkelrakke tref.

'n Tipiese blog kombineer teks, beelde en skakels na ander blogs, webwerwe en media verwant aan die onderwerp. Die meeste blogs is hoofsaaklik teksgedrewe, hoewel heelwat deesdae as fotoblogs bedryf word.

Kortliks kom dit daarop neer dat 'n blog deesdae 'n uiters gewilde kommunikasiemedium is wat maklik op die been gekry kan word. Dis ook eenvoudig om te onderhou. As jy dus teen hierdie tyd nog nie jou eie blog het nie, is dit hoog tyd dat jy een begin. Ons sal jou wys hoe.

Toelatingsvereistes

• Goeie skryfvaardighede

• Rekenaargeletterdheid, e-pos en internettoegang

• Geen vorige tersiêre kwalifikasie word benodig nie

Slaagvereistes

Minstens 65%