SA Vryskutskrywer

Welkom by SA Vryskutskrywer - Getuigskrifte

Dis mos maar menslik om bietjie te spog en SA Vryskutskrywer is geen uitsondering nie! So, wees so 'n bietjie toegeeflik as ons 'n hoekie van ons webwerf aan studente en kliënte se kommentaar en suksesverhale afstaan ...

Helaine Langenhoven (Christelike joernalistiek) se eerste proefartikel is deur JUIG! aanvaar en verskyn in die November 2017-uitgawe.

Hendie Grobbelaar (ABC van Kortverhale) is een van sewe finaliste in LitNet se skryfkompetisie, "Vroue wat my inspireer".

Helaine Langenhoven: Woordeloos dankbaar en tjankerig...! Baie dankie vir jou aandeel aan hierdie groot vreugde vandag. Jou mooi opbouende advies en raad was van die begin af 'n riem onder die hart! Hoe sê my pa: "Lyk my jy het jou fortè ontdek"? En hoeveel jare het ek nie daarna gesoek nie.... Christelike joernalistiek

Anne Marais (Korporatiewe joernalistiek) se artikel oor ouers wat kinders aan die dood afstaan is in die Vrouekeur-uitgawe van 14 September 2017.

Essie Bester: Ek wil net weer dankie sê vir al jou hulp tydens my kursus in tydskrifjoernalistiek. Ek dink dis net regverdig dat ek my artikel oor kuberveiligheid (waarin jy ook ’n reuse aandeel het) vir jou aanstuur. Dit verskyn in die Augustus-uitgawe van Rooi Rose wat dié week op die rakke is. Ek geniet die skrywery terdeë en het al ’n paar vir Vrouekeur gedoen en selfs vir Die Burger. Tussen-in waag ek my hand aan ’n novelette, doen ook bietjie vertaalwerk en het al selfs ’n navorsingsverslag se taalversorging hanteer. Dit was nogal ’n uitdaging aangesien dit oor rugby gehandel het - ’n sport waarvan ek bitter min weet! Tydskrifjoernalistiek+ Teksredigering

Elsabe de Beer: Baie, baie dankie vir die hulp en bystand met my kursus! Ek waardeer jou professionaliteit! Proeflees

Adele van Zyl: Dit is ‘n pragtige sertifikaat! Baie dankie SA Vryskutskrywer. Dit help vir seker met die selfvertroue en trots voel. Blitskursus: Rubriekskryf

Zanne Vorster: Ek het nou net jou terugvoering gelees - ek's in die wolke! Ek geniet jou kursus verskriklik baie. Teksredigering

Marie Smit: Die kursus het vir my hopeloos te gou verby gegaan en was 'n groot lekkerte waartydens ek baie geleer het. Proeflees

Nico van Rensburg: Ek wil jou bedank vir jou hulp met die skepping van DOLLARS EVENTUALIS. Jy sal onthou dat ek ‘n kursus van jou bestel het en ek het my eerste storie vir jou aangestuur. Jy was seker van jou saak dat daar ‘n behoefte vir sulke regsstories bestaan. Jou kommentaar was baie kort en kragtig en het daarop neergekom dat dit nie ‘n kuns is om feite te skryf nie maar die kuns is om stories te skryf wat die mense kan en wil lees. Na die derde probeerslag het jy gesê dat ek kan skryf en nie ‘n kursus nodig het nie. Dit was seker een van die beste komplimente wat ek ooit gekry het. Jy was die direkte oorsaak dat ek my talent om stories te vertel kon ontdek en ontwikkel. Daarvoor sal ek jou altyd dankbaar voor bly. Jy het daarna my stories op ‘n baie professionele wyse geredigeer en ek het die manuskrip ingestuur. Dié beskeie begin het gelei tot my boek DOLLARS EVENTUALIS wat deur Naledi Uitgewers uitgereik is. Nogmaals baie dankie. Manuskripontwikkeling

Lizette: Ek wil jou net bedank. My dogter het gister die public speaking gewen en sy het die hoogste punt gekry van die 29 sprekers wat deelgeneem het! Nogmaals baie baie dankie. Ek “reserveer” sommer weer my plek vir volgende jaar as dit reg is met jou! Huiswerkhulp

Lindi: Wou net laat weet my dogter het 'n A⁺⁺ vir haar toespraak gekry. Toesprake

Jenny: Baie dankie vir jou uitmuntende diens. Ons sal jou definitief weer nader vir ‘n volgende projek. Verskriklik dankie vir die ongelooflike werk wat jy binne so 'n kort tydjie bemeester het. Huiswerkhulp

Venelee: Vreeslik, vreeslik baie dankie, dit is weer eens 'n "awesome" toespraak. Jy is die beste! Gesels weer die einde van die jaar ... Toesprake

Abraham Hamman en Windell Nortjé se artikel is deur LitNet Akademies (Regte) gepubliseer. Manuskripredigering

Mantie Coetzee-Smith (Teksredigering) bedryf 'n suksesvolle vryskutbesigheid as teksredigeerder.

Lizette: Dit was gisteraand public speaking en my dogter het 98.33% gekry en daarmee stof in heelwat matrieks se oë geskop. Nogmaals baie dankie, hoor! Toesprake

Joanita Erasmus: Ek het toe my MA-graad met lof gekry en wil sommer weer eens dankie sê vir die puik redigering! Manuskripredigering

Essie Bester (Tydskrifjoernalistiek + Teksredigering) publiseer reeds drie artikels in verskillende tydskrifte en aanlyn; doen teksredigering vir universiteitstudente.

Helaine Langenhoven: Jy maak my dag, my naweek en moontlik my jaar! So baie dankie vir die mooiste terugvoering! Ek dank Abba dat Hy jou gekies het om my toesighouer te wees. Ek was voorbereid op enige uitslag... het regtig nie geweet wat om te verwag nie. Nogmaals dankie! Christelike joernalistiek

Thys du Preez: Ek bluf myself nie: 'n mens sien nie jou eie foute raak nie. Die beste skrywers maak op redakteurs staat. Ek is nie spyt dat ek hierdie kursus geloop het nie - ek het baie (maak dit dêm baie) geleer.

1. Karakters moet behoorlik ontwerp word al is dit net 'n 800-woord verhaaltjie.

2. Verhale bestaan uit karakters, NIE gebeure nie. (Jy noem die middeleeuse skrywer wat dit gesê het.)

en nog vele meer - ek sal al die lesings weer moet deurwerk as ek 'n behoorlike lys wil saamstel. Dis dalk nie 'n slegte idee nie. En ek het dit baie geniet. Soveel dat ek spyt is dis klaar. ABC van Kortverhale

Lourien Leeuwner (Basiese kursus in Poësie) publiseer haar eerste bundel, Kougomharte.

Abraham Hamman: Baie dankie vir jou hulp en voorstel dat ons die artikel aan LitNet Akademies stuur. Ons is werklik trots daarop dat dit gepubliseer is. Manuskripredigering

Marie Schoeman (Praktiese kursus in Artikels skryf) kom derde uit 250 inskrywings in 'n skryfwedstryd deur Huisgenoot aangebied.

Madli Grobbelaar (Koerantjoernalistiek) slaan 'n permanente joernalistieke pos los by Media24 in Bloemfontein.

Klik hier vir nog getuigskrifte en kommentaar