Welkom by SA Vryskutskrywer - Korporatiewe Skryfkursusse

 

Verskeie vryskutskrywers beskou korporatiewe skryfwerk as hulle brood en botter. Die moontlikhede en verskeidenheid wat hierdie skryfgenre insluit, is onbeperk. Dink maar aan publisiteitsmateriaal, spesialis- en nispublikasies, korporatiewe nuusbriewe, toesprake, 'n spesifieke skryfstyl vir sakemense ... te veel om op te noem. Ons poog hier om ál die belangrikste elemente van korporatiewe skryfkuns aan te bied.

 

Bring jou boodskap tuis op 'n manier wat verseker dat jou nuus gepubliseer word. Bemeester nuusverklarings en promosies in twee maklike modules. Ideaal vir woordvoerders, skakelbeamptes en skrywers wat maklik goeie geld wil verdien. Volledige kursusbesonderhede

 

Leer om 'n kampioen van die podium te wees met hierdie omvattende kursus. Die skryf van toesprake is 'n uiters lonende bedryf, met die skrywer as die krag agter die troon. Leer om die inhoud vooraf te analiseer en gebruik tien tegnieke van oortuiging om die opposisie plat te vee. Volledige kursusbesonderhede

 

Kennis van effektiewe korrespondensie via e-pos sowel as slakkepos (gewone pos) is ’n móét in vandag se kitssamelewing. ’n E-posbrief wat in die verkeerde hande beland of ’n brief wat nie duidelik uiteensit wat jy met die skrywe daarvan wil oordra nie, kan jou besigheid ’n ernstige knou toedien. Hierdie kursus is dus daarop gemik om e-posetiket in leketaal te verduidelik, jou te help om ’n positiewe beeld van jouself en jou besigheid te vestig. Ons leer jou hoe om te onderskei wanneer jy ’n formele brief moet stuur en wanneer dit gepas is vir ’n informele een. As jy Afrikaans is, maar die meeste van jou korrespondensie in Engels moet doen, sal jy baie baat vind by hierdie kursus. Volledige kursusbesonderhede

 

Is jy iemand wat voel dat daar net nooit genoeg ure in 'n dag is om alles te doen wat gedoen moet word nie? Voel jy soms dat jy besig is om onder die druk van al jou verpligtinge te sink? Toemaar, jy is heeltemal normaal. Die moderne samelewing voel soms na een groot gejaag en die meeste mense kla dat daar net nooit genoeg ure in 'n dag is nie. Met dié kursus wys ons jou waar jy besig is om tyd te mors en gee jou die gereedskap om beheer oor jou tyd terug te neem. Jy sal verbaas wees om uit te vind presies waar jy elke dag tyd verkwis en hoe jy jou beskikbare ure optimaal kan begin benut. Volledige kursusbesonderhede

 

Terug na SKRYFKURSUSSE