Welkom by SA Vryskutskrywer - Vrae en Antwoorde
Is SA Vryskutskrywer se kursusse geakkrediteer?
Nee, ons kursusse is nie geakkrediteer nie, en daar is 'n goeie rede hiervoor. As ons ons kursusse sou laat akkrediteer, sou dit daartoe lei dat ons die kursusfooie aansienlik moet verhoog. Dit sou beteken dat ons kursusse buite die bereik van baie aspirant-skrywers sou wees, wat ons doel van bekostigbare skryfonderrig sou benadeel. Ons is vasbeslote om toegang tot kwaliteit onderrig te bied sonder om dit ontoeganklik te maak.
Hoewel ons nie geakkrediteer is nie,
reik ons wel 'n
Sertifikaat van Voltooiing
uit wanneer al die vereistes van 'n betrokke kursus nagekom
is. Hierdie sertifikaat dien as bewys dat jy die kursus suksesvol voltooi het en
gereed is om jou eerste stappe op jou
vryskutpad te gee.
Boonop bied sommige van ons kursusse 'n waarborg dat jy, na afloop van die kursus, jou kennis onmiddellik kan toepas om artikels te verkoop of redigeringswerk teen betaling te begin doen. Hierdie gewaarborgde kursusse word duidelik met 'n waarborgteken op die kursusblad gemerk, sodat jy presies weet watter kursusse jou die vaardighede gee om dadelik in die bedryf te begin werk.
Ons glo in die praktiese waarde van ons kursusse, en om jou te ondersteun, bied ons ook volledige na-kursusondersteuning. Dit beteken dat jy nie alleen staan nie – ons is daar om jou aan te moedig, vrae te beantwoord, en jou te help met jou verdere vryskutreis. Ons wil jou nie net 'n kursus leer nie, maar ook jou sukses as vryskutskrywer bevorder.
 |  |
|
|
|
Nog nie op ons GRATIS nuusbrief ingeteken nie? Klik hier en kry dadelik jou gratis
skrywersalmanak en hulpmiddels wanneer jy jou intekening bevestig. 
