Wat is korporatiewe joernalistiek?

Dis enige soort nie-fiktiewe skryfwerk wat nie noodwendig bedoel is vir die breë algemene publiek nie. Anders as algemene joernalistiek, fokus korporatiewe joernalistiek op spesialis-onderwerpe en word dit dikwels in opdrag van instansies, organisasies of vaktydskrifte gedoen. Dit behels deeglike navorsing, samewerking met kenners en die samestelling van artikels wat ingelig, gesaghebbend en toegespits is. Dít is die amptelike definisie.

Maar ons glo dis méér as dit.

As jy die tipe skrywer is wat nie skrik vir ure se navorsing om een enkele artikel reg te kry nie – dan is hierdie kursus vir jou.

As jy passievol is oor jou vakgebied, en graag daaroor wil skryf – selfs al beland jou artikel nie op die rak van die plaaslike supermark nie – dan is jy ’n natuurlike korporatiewe joernalis.

En dalk belangriker as al die bogenoemde: As jy graag oor enigiets en alles skryf – van molekulêre biologie tot stedelike beplanning – dan is jy die soort skrywer vir wie hierdie kursus geskep is.

Toelatingsvereistes

• Goeie skryfvaardighede

• Rekenaargeletterdheid, e-pos en internettoegang

• Geen vorige tersiêre kwalifikasie word benodig nie

Slaagvereistes

Minstens 65% + persklaar artikel