Ø Stel jy belang in die nuus?

Ø Wil jy graag deel wees van nuusinsameling?

Ø Wil jy jou naam in druk sien?

Ø Loop jy nooit 'n belangrike gebeurtenis mis nie?

Ø Is jy nogal bedrewe met die pen en kamera?

Die toekoms van nuusverslaggewing lê nie net by beroepsjoernaliste nie – dit lê by Jan en Alleman. Want niemand is vandag beter toegerus om blitsig ’n nuusstorie op te spoor en met die wêreld te deel as die gewone mens nie. Al wat jy nodig het, is ’n selfoon en/of rekenaar en ’n internetverbinding – en jy kan binne minute jou stories na groot nuusorganisasies stuur - en daarvoor betaal word.

Dink daaraan: Die eerste berig oor die verwoestende aardbewing in Haïti is deur ’n gewone burger aanlyn geplaas. Michael Jackson se dood is nie deur ’n tradisionele nuuskanaal bekend gemaak nie, maar deur iemand op ’n sosiale netwerk. In oorloggeteisterde Afghanistan het burgers noodgedwonge die enigste skakels met die buitewêreld geword – en in Washington was dit ’n bystander wat die eerste beeldmateriaal van die botsing tussen ’n helikopter en ’n passasiersvliegtuig vir CNN gestuur het.

Skielik begin die groot mediamagnate regop sit – en besef dat die gewone mens dikwels die eerste op die toneel is. Hulle besef: dié “almalmens” het die vermoë om hul oë en ore te wees op plekke waar hulle self nie kan kom nie.

Met die regte kennis en gereedskap kan jy vandag nog begin bou aan ’n opwindende tweede loopbaan as allemansjoernalis (citizen journalist). As jy droom van ’n sinvolle en dinamiese manier om ekstra geld te verdien – sonder om jou huidige werk op te gee – dan is hierdie kursus nommerpas vir jou.

* Let wel: hierdie kursus is veral geskik vir diegene wat graag vir hul plaaslike koerant wil werk.

Toelatingsvereistes

• Goeie skryfvaardighede

• Rekenaargeletterdheid, e-pos en internettoegang

• Digitale kamera of selfoonkamera

• Geen vorige tersiêre kwalifikasie word benodig nie

Slaagvereistes

Minstens 65%