|
HERFS
2024
Gegroet Mede-griffelaars
Ek wonder hoeveel mense
kan by hul
Nuwejaarsvoornemens hou?
Ek het slegs één gemaak
vir 2024 - om vanaf
Januarie elke maand 'n
nuusbrief uit te stuur -
en toe kon ek nog nie
eens een keer daarby
uitkom nie.
Pfffttt.
Ek het dus besluit om
nie 'n vaste voorneme te
maak om spesifieke
nuusbriewe uit te stuur
nie, want met die tyd
wat so blitsig verbysnel
en die werk wat taamlik
baie is, kan ek nie
altyd daarby hou nie en
my skuldige gewete keil
my dan op. Ek sal egter
nuusbriewe uitstuur soos
wat dit moontlik is.
Terloops, het jy geweet
die gedagte dat tyd
deesdae vinniger
verbygaan nie regtig
mens se verbeelding is
nie? Dis die waarheid,
veral as jy begin ouer
word. As jy my nie glo
nie, gaan lees gerus
hier wat
navorsers bevind het.
Fisika het dit nou
onomwonde bewys.
Ek het die nuusbrief se
aanslag so 'n bietjie
verander. Ek glo die
meeste mense is nie lus
om 'n ellelange
nuusbrief in hul
e-posbediener te lees
nie. Jy kan dus van nou
af na aanleiding van
slegs die opskrif
besluit waarin jy
belangstel. Laat weet
gerus of dit 'n beter
reëling is, hoor. Enige
voorstelle - en kritiek
- is altyd welkom:
nuusbrief@savryskutskrywer.co.za.
Enkele hoogtepunte wat
ek egter wil uitlig is
'n heerlike onderhoud
met skryfster,
Elsabé Welman,
wat reeds agt
suksesvolle romans agter
haar naam het. Sy
verskaf ook skryfraad
wat veral vir
aspirantskrywers
onontbeerlik is. Dankie,
Elsabé!
Ook is daar 'n taamlik
omvattende
vryskuthandboek
wat gratis aan
nuusbriefintekenare
beskikbaar is. Spring
dus gou om joune te kry. Hierin bespreek
ons onder meer hoe om as
'n vryskutskrywer te
begin, die toekoms van
vryskutskryf, finansies,
doelwitstelling,
gesondheid, asook die
voor- en nadele van
vryskutwerk. Kry meer
inligting en die
handboek hier.
En laastens ... ek werk
die
Interaktiewe
Skrywersalmanak
gereeld by. Onthou om
daar te gaan kyk vir
enige nuwe inligting.
Die eerste ses maande
van 2025 sal ook
binnekort gepubliseer
word.
Reg. Dis al van my kant
af. Laat weet gerus as
daar enigiets spesifiek
is wat jy dalk in 'n
toekomstige nuusbrief
wil sien. Bydraes is
natuurlik ook welkom.
Tot weersiens.
_________________________________
Die
donker kant van KI
Kunsmatige Intelligensie
(KI) het ongetwyfeld 'n
omwenteling in verskeie
aspekte van ons lewens
gebring. Dit het ons
gehelp om probleme op te
los, effektiwiteit te
verbeter, en nuwe
moontlikhede vir
vooruitgang te ontsluit.
Nietemin, soos enige
kragtige instrument, het
KI ook 'n donker kant
wat ons moet erken en
navigeer.
Lees die volledige
artikel op ons blog.
_____________________________
5 Skrywerswenke vir
beginners
Elsabé Welman, skrywer
van agt topverkopers,
deel ‘n paar
skryfgeheime.
Klik hier vir die
volledige artikel.
__________________________________
GRATIS E-BOEK
Klik hier om jou GRATIS
e-boek, JOU
VRYSKUTHANDBOEK, aan te
vra
_________________________________
|
SA Vryskutskrywer se GRATIS nuusbrief is 'n noodsaaklike
verlenging van jou skrywerslewe aangesien daar beslis géén ander Afrikaanse nuusbrief
ter wêreld met dieselfde inhoud bestaan nie. En heel moontlik ook nie in enige
ander taal in Suid-Afrika nie. Moet dus nie versuim om in te teken nie. Gebruik
onderstaande vorm om jou vinnig op jou pad na skryfsukses te help.
