Vrae & Antwoorde | Getuigskrifte | Kontak ons | Tuis

 

 

 

Welkom by SA Vryskutskrywer - Vryskutnetwerk

                       

 

Vryskutnetwerk

 

 

• Soek jy bykomende werk en/of kliënte?

• Wil jy nie opgeskeep wees met die rompslomp van kontrakte en ooreenkomste nie?

 

Ons het die antwoord ... word deel van ons vryskutnetwerk.

Met die resessie wat reeds honderde joernaliste en skrywers in ‘n onbekende – en meestal onvriendelike – vryskutpoel laat beland het, het SA Vryskutskrywer ‘n diens begin om sy skrywersnetwerk uit te brei om skrywers vanuit alle uithoeke van Suid-Afrika en die res van die wêreld in te sluit. Die hoofdoel is om die skrywers in dié netwerk by te staan en selfs in sommige gevalle te help om werk te genereer - as ons kan.

 

Lidmaatskapsvoordele:

• Lede kry outomaties toegang tot ‘n gespreksgroep op die internet waar hulle met kollegas kan netwerk;

• Waar werk deur SA Vryskutskrywer geïn word, word beter betalingsfooie en -praktyke namens lede beding;

• Hulp met die opstelling van ‘n gepaste CV en/of portefeulje word aangebied indien die lid dit benodig om ‘n opdrag te verseker;

• Alle lede kry toegang tot die beste raad, bystand en hulpbronne beskikbaar;

• Kontrakte en/of ooreenkomste word namens lede opgestel indien 'n lid dit versoek en word deurentyd opgevolg om seker te maak lede word regverdig deur maatskappye behandel;

• Interaksie word namens die lede met ander professionele groepe in Suid-Afrika gedoen om die vryskutgemeenskap uit te brei.

• Lede wat nog nie 'n professionele webblad op die internet het nie, kan vir 'n eenmalige bedrag van R180 'n basiese webblad met 'n ontwerp van hulle keuse kry wat deur SA Vryskutskrywer gehuisves en onderhou word. Meer inligting hier ...

 

 

Lidmaatskapsreëls

• Lidmaatskap is tans GRATIS.

• Alle aansoeke moet eers gekeur word. Omdat die kompetisie daarbuite baie straf is, is dit noodsaaklik dat ons elke aansoek eers deeglik deurgaan. Ons wil ‘n reputasie opbou wat werkgewers weer en weer van ons lede sal laat gebruik maak. Dit kan net gedoen word as ons skrywers in die netwerk opneem wat bereid is om ten volle toegewyd te wees en werk van hoogstaande gehalte lewer. Dít is ons waarborg aan kliënte.

• Enige werk wat deur middel van SA Vryskutskrywer aan lede verskaf word, is onderhewig aan 'n 10% agentskapsfooi betaalbaar aan SA Vryskutskrywer wanneer 'n kliënt die finale betaling doen.

• Skrywers kan aansoek doen om in die netwerk opgeneem te word deur 'n kort, maar redelik volledige CV saam met hul aansoek in te stuur.

• Goedgekeurde skrywers word onmiddellik in die netwerk opgeneem.

• Geen werk word aan 'n netwerkskrywer toegeken voordat 'n skriftelike ooreenkoms nie deur beide die skrywer én 'n verteenwoordiger van SA Vryskutskrywer onderteken en in plek is nie.

• Netwerkskrywers moet bereid wees om soms op kort kennisgewing opdragte te aanvaar en bevredigend uit te voer.

• Netwerkskrywers móét voltydse vryskutwerkers wees, met ander woorde, jou vryskutwerk kan nie jou tweede inkomste wees terwyl jy 'n permanente werk het waar jy 'n maandelikse salaris verdien nie.

• SA Vryskutskrywer is nie verantwoordelik vir enige belastingaftrekking wat 'n werkgewer by die bron mag aftrek nie. Enige belastinggelde bly die netwerkskrywer se eie verantwoordelikheid.

 

 

                                       

       

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Wie is ons?

SA Vryskutskrywer is gebore uit 'n behoefte vir en leemte aan hulpmiddels en ondersteuning, asook 'n tekort aan 'n wye  verskeidenheid aanlynkursusse vir die duisende Afrikaanse vryskutskrywers hier en in die buiteland. Die webtuiste word bedryf deur kenners op elke gebied van die Afrikaanse skryfkuns. Ontmoet die skrywers ...