Welkom by SA Vryskutskrywer - Skryfaanhalings
Min dinge laat 'n skrywer - en veral 'n voornemende een - se hart só warm klop soos wanneer hy iets kan lees wat 'n ander skrywer kwytgeraak het. Wie kan dit weerstaan om jou werkweek met so 'n paar skrywersêgoed te begin?
Jy hoef nie 'n graad in linguistiek te hê om reg te kan spel nie. 'n Voorvinger is genoeg.
~ Hans du Plessis
As jy jou storie op bladsy een in die verlede tyd begin is jy op bladsy vier al in die strooi.
~ P.G. du Plessis
'n Sinoniem is 'n woord wat jy gebruik omdat jy die ander een nie kan spel nie.
~ Baltasar Gracián
Die lykskouer sal ink in my are en bloed op my sleutelbord ontdek.
~ C. Astrid Weber
Mens stuur nie jou kind slordig partytjie toe nie – as jy omgee vir die arme bloedjie. Nou hoekom sal jy dan ʼn slordige manuskrip voorlê? Mens stuur jou woordkind net weg omdat jy daarop trots is. Dis jou taalkind en moet taalnetjies by die uitgeegeleentheid aankom.
~ Hans du Plessis
As jy 'n betrokke roman skryf, is jou kanse op 'n goeie resensie beter as wanneer jy nie betrokke skryf nie.
~ P.G. du Plessis
As jy uit die werk van een skrywer neerskryf, is dit plagiaat, maar as jy baie werke raadpleeg, is dit navorsing.
~ Wilson Mizner
Boeke is die nalatenskap van 'n groot gees aan die mensheid, wat van geslag tot geslag oorgelewer word as geskenke aan die ongeborenes.
~ Joseph Addison
Van al die kwaliteite wat 'n boek moet hê, is die vernaamste dat dit leesbaar moet wees.
~ Anthony Trollope
Daar is min sin in 'n boek wat jy nie geniet nie.
~ Sir John Lubbock
Boeke en vriende moet min en goed wees.
~ Spaanse spreekwoord
Daar is twee soorte talentvolle skrywers: dié wat dink en dié wat doen.
~ Abbé Roux
Vanoggend het ek 'n komma uitgehaal en vanmiddag het ek dit weer teruggesit.
~ Oscar Wilde
'n Goeie boek is een wat met groot verwagting oopgemaak en met groot wins toegemaak word.
~ Amos Bronson Alcott
Die gevaarlikste struikelblok vir 'n jong skrywer is nie sy eerste werk nie, maar sy tweede.
~ Fliegende Blatter
Die eerste plig van 'n onbekende skrywer is om interessant te wees. Om vervelig te wees is die voorreg van reeds beroemde skrywers.
~ Emile Berr
'n Kritikus word deur jare van waarneming en studie gevorm. Resensente spring op soos paddastoele.
~ La Bruyêre
Iemand wat kritiseer sonder dat hy al self geproduseer het, is 'n oneerlike mens.
~ Jule Janin
Geskiedkundiges vertel die verhaal van die verlede, romanskrywers die verhaal van die hede.
~ Edmond de Goncourt
Sonder boeke is God stil.
~ Thomas Bartholin
Vryheid van die pers is nie 'n doel op sigself nie, maar 'n middel om 'n vrye gemeenskap daar te stel.
~ Felix Frankfurter
Na bladsy [2]
