Welkom by SA Vryskutskrywer - Skryf vir ons
As jy op dié skakel geklik het, beteken dit heel moontlik dat jy daarin belangstel om bydraes vir SA Vryskutskrywer te skryf.
Baie dankie!
Ons is altyd op die uitkyk vir oorspronklike artikels wat van nut kan wees vir die duisende belangstellendes wat die webwerf gereeld besoek en hulp en ondersteuning soek vir hulle vryskutbesighede.
As jy dus ‘n skrywer is wat heelwat weet omtrent ‘n sekere aspek van vryskutskryf, en jy reken jy kan jou medevryskutwerkers dalk advies gee oor hoe om kliënte te behandel, meer produktief te wees, bemarking te doen, of jy kan enige “hoe om te”-artikels vir die bedryf skryf, ens. sal ons dit regtig verwelkom.
Stuur asseblief enige idees, voorstelle of bydraes na leoni@savryskutskrywer.co.za.
Wat ons soek
-
Ons is ietwat kieskeurig want ons wil werklik hê alles wat op SA Vryskutskrywer se webblad gepubliseer word móét van 'n hoogstaande gehalte én van nut vir vryskutskrywers kan wees. Dis immers waarom ons tot stand gekom het, nie waar nie?
-
Ons probeer ook ‘n goeie Afrikaanse skryftaal handhaaf – niks hoogdrawends nie! – want een van die redes waarom ons SA Vryskutskrywer bedryf is juis om Afrikaans as skryftaal te bevorder.
-
Spelling is ook vir ons baie belangrik – vandaar die afslagooreenkoms met die vervaardigers van die gewilde Afrikaanse SkryfGoed2008 wat ‘n uitstekende speltoetser insluit wat spesiaal vir Microsoft®Office ontwikkel is.
-
Verder moet jy ons kan verseker dat die artikel wat jy voorlê wel jou eie werk is sodat ons nie dalk iewers op iemand se tone trap en ‘n vrot eier teen die deur kry nie.
-
Skrywers wat blogs bedryf kan terselfdertyd meer blootstelling kry want ons sal die skakel na jou blog toe met graagte publiseer. Jy kan selfs by ons vryskutnetwerk aansluit en jou blootstelling tienvoudig verhoog met beide jou skryfwerk sowel as jou verkorte CV. Alles wat jy skryf word met behulp van skakels na jou toe teruggelei.
Tipes artikels wat oor en oor gelees sal word:
-
Hoe bly jy gemotiveerd?
-
Vertroetel jou kreatiewe kant
-
Die nut van dagboeke
-
Wanneer sien mense jou as ‘n kenner?
-
Vryskutskryf: Beskik jy oor die nodige eienskappe?
-
Gebruik jou skryftalent om ander te inspireer
-
Dink jy soos ‘n entrepreneur?
-
Redigering, redigering, redigering
-
Tydskriftariewe: Is hulle stagnant?
-
Hoe begn jy skryf?
-
Vryskutreëls waarby jy altyd moet hou
Reëls en riglyne
-
Net ‘n paar basiese reëls wat eintlik maar vanselfsprekend is:
-
Minimum 400 woorde; maksimum 1,000
-
Stuur ‘n foto van jouself saam om saam met jou storie te gebruik. Kop-en-skouers is voldoende.
-
Gebruik asseblief jou speltoetser voordat jy jou storie instuur.
-
Ons behou die reg voor om jou storie bietjie te skaaf … niks ernstig nie, maar ons wil graag eenvormigheid bewerkstellig wat styl betref.
-
Onthou om jou naam en skakel na enige ander webwerf/blog by te voeg.
-
Slegs jou eie blog- of webbladskakels sal geplaas word.
-
Ons behou die reg voor om uitstekende artikels as die hoofstorie in ons gratis nuusbrief te publiseer – met die nodige erkenning en skakels, natuurlik.
-
Op die oomblik kan ons nog nie bekostig om skrywers te vergoed nie. Ons bied dus blootstelling as ‘n ruilmiddel aan.
As jy enige verdere vrae of kommentaar het, stuur gerus e-pos aan leoni@savryskutskrywer.co.za. Ons sien uit daarna om jou stories vir publikasie te ontvang.
