Welkom by SA Vryskutskrywer - Vrae en Antwoorde
Wanneer kan ek vir ‘n kursus registreer en hoe betaal ek die fooie?
Omdat ons 'n aanlynkollege bedryf, kan jy enige tyd vanaf die middel van Januarie tot en met die einde van November vir 'n kursus inskryf. Ons aanvaar nie geredelik nuwe registrasies tydens Desember nie omdat die somervakansie wat in hierdie tydperk val alles omver gooi en min mense is in staat om gedurende hierdie tradisionele jaarlikse kuiertyd behoorlik te kan werk. En as ons nuwe studente in Desember toelaat, word daar ekstra tyd bygereken om vir die vakansie op te maak.
Hoe en waar registreer ek en wat gebeur na registrasie?
Vir gewone skryfkursusse: Klik op die REGISTREER VIR KURSUS-knoppie wat op elke kursusleerplanblad aangebring is en volg net die aanwysings. As jy egter reeds besluit het vir watter kursus jy wil inskryf, kan jy op die KURSUSREGISTRASIE-skakel klik, die kursus van jou keuse kies en die aanwysings volg.
Vir romankursusse: Om as student vir enige van ons romankursusse te kan inskryf, moet jy eers aansoek doen.
-
Vir Helene de Kock se romankursusse moet jy (1) 'n gedeelte van die eerste hoofstuk van jou verhaal, (2) 'n kort sinopsis van die res van die verhaal en (3) 'n motivering vir haar instuur. Indien Helene jou aansoek goedkeur, sal ons vir jou 'n e-faktuur stuur met volledige inligting oor waar en hoe om te betaal.
-
Vir Jeanette Ferreira se romankursusse moet jy 'n motivering van 500 woorde skryf oor wat jy met die kursus en/of jou boek beoog. Indien sy op grond hiervan jou aansoek goedkeur, sal ons vir jou 'n faktuur stuur met volledige inligting oor waar en hoe om te betaal.
Met alle kursusse sal jy jou verwelkomingsbrief, toewysing aan jou persoonlike opleier en studiepakket binne 48 uur na ontvangs van jou betaling ontvang.
Hoe betaal ek die kursusfooie?
-
Ons bied VIER betaalopsies om ons kursusse binne almal se bereik te bring. Nadere besonderhede oor die betaalopsies kan op die AFBETALINGSOPSIES-blad gevind word.
-
Jy kan die fooie elektronies vinnig en veilig betaal deur middel van enige van die aanlynbetaalopsies wat deur die Suid-Afrikaanse aanlynbetaalagent, PayFast, aangebied word, of jy kan self die kontant by jou bank of deur middel van jou eie internetbankdiens inbetaal.
-
Alle nodige inligting is op elke kursusblad aangebring.
Indien daar enigiets is waaroor jy nie duidelikheid het nie, of iets wat ons dalk nie op hierdie blad aangeraak het nie, gebruik asseblief onderstaande kommunikasievorm om jou vraag aan ons te stuur.
