Welkom by SA Vryskutskrywer - Registrasieblad
Hoe om te registreer vir die kursus van jou keuse
-
Kies die kursus waarvoor jy wil inskryf uit die lys hieronder, vul die vorm in en stuur.
-
Na ontvangs van jou aansoek sal ons binne 24 uur ontvangs bevestig en 'n faktuur met die kursusfooi per e-pos aan jou stuur.
-
Vir alle kursusse behalwe die romankursusse, moet jy slegs 'n MOTIVERING van minstens 250 - 350 woorde skryf waarin jy ons vertel waarom jy vir die spesifieke kursus wil inskryf en wat jy beoog om daarmee te doen na voltooiing van die kursus. Hierdie skryfstuk sal as jou evaluering dien.
-
Vir die romankursusse, moet jy die BEGIN van 'n eerste hoofstuk van jou voorgenome roman (lengte minstens 600 tot 800 woorde), asook 'n kort SINOPSIS (± 400 woorde) van die res van die verhaal saam stuur, waarin jou begrip van struktuur en karakterontwikkeling duidelik geïllustreer word. Hierdie twee dokumente moet by jou inskrywingsvorm aangeheg word.
-
Ná registrasie is die eerste stap om jou voor jou rekenaar neer te plak en te begin SKRYF. Die res sal vanself kom en voordat jy weet wat gebeur, het jy 'n manuskrip of artikel wat jy aan 'n publikasie kan stuur...
Betalings
Ons bied twee betaalopsies:
LET WEL: Dié reëling geld SLEGS kursusse wat vir die tweeledige betaalopsie kwalifiseer soos aangedui by die kursusbesonderhede. Géén tweeledige betaalopsie word aan kursusse met fooie onder R2 000 toegestaan nie. Dié kursusse se fooie is TEN VOLLE met registrasie betaalbaar.
-
Twee maandelikse paaiemente: 60% van die kursusfooi verskuldig is by registrasie betaalbaar - met ander woorde, voor die aanvang van die kursus en voordat enige kursusmateriaal aangestuur word. Die tweede paaiement - wat die oorblywende 40% van die kursusfooi verteenwoordig - is die daaropvolgende maand betaalbaar. [Let egter daarop dat in die geval van dié betalingsopsie, slegs die helfte van die kursusmateriaal in die eerste maand aangestuur sal word. Die res sal by betaling van die tweede en laaste paaiement aan die student verskaf word.]
-
Die vereffening van die volle kursusfooi met registrasie. Indien hierdie opsie gebruik word, word ‘n 10%-afslag toegestaan. Kursusmateriaal word ook direk na registrasie aan die student gestuur. Die reëling geld alle kursusse wat vir 'n tweeledige betalingsopsie kwalifiseer.
