Welkom by SA Vryskutskrywer - Spesiale kursusse
Taalversorging saam met Jeanette
Jou persoonlike opleier:
Wie vir dié kursus moet inskryf:
Jy is 'n redigeerder, vertaler, proefleser, taalliefhebber, skrywer, student, onderwyser, opleier ... iemand wat op 'n daaglikse basis met Afrikaans en ín Afrikaans werk.
Wat jy soek is 'n verfrissingskursus om jou net weer op 'n maklike en vinnige manier te help om jou eie taalversorgingsvermoëns af te stof en te poleer, en om enige grammatikale grammadoelas uit te roei voordat hulle permanent posvat.
Of, as jy 'n student is, soek jy iemand om jou te leer presies hóé jy jou werkopdragte, skripsies of verhandelinge moet skryf en jy wil veral hulp hê met die voetnotas, bronverwysings, indeksering, redigering en taalversorging wat jou al in die verlede 'n onderskeiding gekos het.
Kortom, maak nie saak wat jy skryf en waarom nie - jy is lief vir Afrikaans en wil probeer om die taal so suiwer en korrek moontlik te hou, sonder om 'n taalpuris te wees.
Kursusbesonderhede:
-
Duur: 1 week
-
Modules: 1 les
-
Kursusfooi: R150 per 1 000 woorde
Hoe die kursus werk:
In hierdie kursus is die studiemateriaal die outeur se eie teks wat by registrasie verskaf moet word.
Jeanette redigeer met track changes (Microsoft Word®) en stuur dan twee (2) dokumente aan die outeur terug: een met track changes wat sigbaar is en een wat skoon is (d.w.s. die track changes is ingevoer, maar kan nie gesien word nie). Dit is die mees effektiewe manier om te leer waar jou probleme lê.
Jeanette wys in hierdie redigering ook die volgende uit:
-
lomp stelwyses wat verbeter kan word
-
omslagtige stelwyses wat verkort kan word
-
elegante Afrikaanse stelwyses in plaas van Engelse stelwyses
-
woorde of frases wat binne die konteks van die teks nie gepas is nie
-
konsekwentheid wat betref spelwyse van name, plekke, instansies, afkortings
-
feitelike korrektheid
-
enige ander aanbevelings wat die teks kan verbeter.
Die resultaat is dus nie net ‘n geredigeerde teks nie maar ook meer kennis van taalaspekte wat jy kan opknap.
Dit sal ideaal wees as jy vertroud is met track changes op jou rekenaar maar as jy nie is nie, sal sy vir jou leiding daaroor gee.
Toelatingsvereistes:
-
Basiese skryfvaardighede
-
'n Geskrewe teks wat geredigeer kan word
-
Rekenaargeletterdheid, e-pos en internettoegang
-
Geen vorige tersiêre kwalifikasie word benodig nie
Klik
hier
as jy nie 'n kursus wil volg nie, maar slegs wil hê Jeanette moet vir jou
taalversorging doen.
