Vrae & Antwoorde | Getuigskrifte | Kontak ons | Tuis

 

 

 

Welkom by SA Vryskutskrywer - Skryfkursusse

 

   

Riglyne vir Christelike joernalistiek

 

Jou persoonlike opleier:

 

 

Leoni Benghiat

 

Wie vir dié kursus moet inskryf:

Van al die joernalistieke genres is Christelike joernalistiek die een wat die vinnigste groei - én sekerlik die enkele skryfvorm wat die meeste bevrediging gee. Hoe dan anders as jy weet jy is deel van die samelewing se morele kompas terwyl jy jou ander groot liefde - skryf - uitleef?

As jy wil deel word van hierdie spesiale gemeenskap wat daarop fokus om met hulle skryfwerk die wêreld 'n beter plek te probeer maak of die evangelie na ver uithoeke uit te dra, is hierdie die kursus vir jou.

Leef jou geloof saam met jou talent uit en reik deur middel van jou skryfwerk uit na jou medemens. Begin sommer vandag nog om jou - en ander mense se - lewe ingrypend te verander.

 

Kursusbesonderhede:

• Duur: 5 maande

• Modules: 10 lesse

• Kursusfooi: R3,125

  Afbetalingsopsies

  R1,565 x 2

  R1,045 x 3

  R315 x 10

 

Wat jy sal leer:

• Onderskei tussen Christelike en gewone joernalistiek

• Weet wat jy nodig het om as Christelike tydskrifjoernalis te werk

• Ontleed Christelike tydskrifte

• Leer watter bestanddele onontbeerlik is vir 'n goeie Christelike artikel

• Weet waar en hoe om trefferidees te vind

• Onderskei tussen ‘n onderwerp en ‘n invalshoek

• Vind uit hoe om die perfekte navraagbrief te skryf

• Onderskei tussen spekulasiestories, navrae en formele opdragte

• Vind meer uit rondom die opstelling en nakoming van kontrakte

• Ken jou intellektuele regte

• Beplan en werk die struktuur van jou artikel uit

• Leer onderhoudvoeringstegnieke wat spesifiek op die Christelike mark van toepassing is

• Kry betroubare inligtingsbronne

• Verstaan wat plagiaat is en hoe om dit te vermy

• Leer hoe om ‘n onweerstaanbare inleiding vir jou artikel te skryf

• Onderskei tussen verskillende tipes inleidings

• Verstaan watter tipe artikelinleidings behoort by watter tipe tydskrifmark

• Verstaan en identifiseer die hoofbestanddele wat ‘n artikel “lyf” gee

• Leer hoe om verskillende artikelformules te gebruik en wanneer

• Gebruik oorgangstegnieke en logiese vloei om leesbaarheid te vergemaklik

• Vind uit hoe om kassies en inligtingsblokkies doeltreffend te gebruik

• Leer waarom ‘n slot net so belangrik is as ‘n inleiding

• Identifiseer die verskillende slottipes

• Redigeer jou proefartikel volgens basiese riglyne

• Vind uit hoe om jou artikels in ‘n professionele wyse aan te bied

• Belasting en betalings en wenke vir Jan Taks

• Oorwin terugslae en skrywersblok

• Verstaan die grondtrekke van kopiereg en sindikasie

• Volledige databasis vir verskillende markte

 

Volledige kursussamestelling:

• 'n Studiepakket met omvattende kursusnotas (300 bladsye)

• 15 praktiese skryfoefeninge (wat deur jou opleier nagesien word)         

• 1 navraagbrief

• 1 vollengte persklaar artikel wat direk na afloop van die kursus aan ‘n tydskrif van die student se keuse voorgelê word.

• Gratis databasis: 101 Afrikaanse skryfmarkte

• Gratis e-boek: Jou vryskutbesigheid om jou in staat te stel om 'n vryskutbesigheid op die been te bring

• Gratis stylgids: Skryf korrekte Afrikaans met flair

• 'n Sertifikaat van Voltooiing na bevredigende afhandeling van die kursus

 

Toelatingsvereistes:

• Basiese skryfvaardighede

• Rekenaargeletterdheid, e-pos en internettoegang

• Geen vorige tersiêre kwalifikasie word benodig nie

 

Slaagvereistes:

Minstens 65%

 

              

 

                                        

       

 

 

 

 

Wie is ons?

SA Vryskutskrywer is gebore uit 'n behoefte vir en leemte aan hulpmiddels en ondersteuning, asook 'n tekort aan 'n wye  verskeidenheid aanlynkursusse vir die duisende Afrikaanse vryskutskrywers hier en in die buiteland. Die webtuiste word bedryf deur kenners op elke gebied van die Afrikaanse skryfkuns. Ontmoet die skrywers ...