Welkom by SA Vryskutskrywer - Algemene Joernalistieke Skryfkursusse
Allemansjoernalistiek - jou sleutel tot geld en roem
Jou persoonlike opleier:
Wie vir dié kursus moet inskryf:
Die toekoms van nuusinsameling lê by Jan en Alleman want niemand is deesdae beter toegerus om blitsig 'n nuusstorie te vind en die wêreld in te stuur as die gewone mens nie. Al wat jy benodig is 'n rekenaar, selfoon en internetverbinding en jy kan blitsig jou stories na die groot nuusmaatskappye versend.
Geen wonder dus dat die eerste nuus oor die vernietigende aardbewing in Haïti verlede jaar deur 'n doodgewone burger op die internet geplaas is nie. En die koning van pop, Michael Jackson, se dood is ook eerste op 'n sosiale netwerk bekend gemaak. Nuus uit die oorloggeteisterde Afghanistan kon vir 'n byna 'n week slegs deur middel van gewone mense se nuusdekking die wêreld ingestuur word.
En mediamagnate sit regop en neem kennis van die gewone mens se vermoë om hulle oë en ore te wees waar hulle nie kan bykom nie.
Dus: Stel jy belang in die nuus? Wil jy graag deel wees van nuusinsameling? Wil jy jou naam in druk sien? Mis jy nooit 'n belangrike gebeurtenis nie? Is jy nogal bedrewe met die pen en kamera?
As jy nog altyd daarvan gedroom het om in jou vrye tyd 'n koerantverslaggewer te wees, is hierdie jou kans.
Jy kan lag-lag vanuit jou huis 'n lonende tweede loopbaan as 'n allemansjoernalis (citizen's journalist) bedryf. Die wêreld se manier van nuusinsameling is besig om drasties te verander en gewone mense is dié wat deesdae oor groot nuusgebeurtenisse met selfone en klein digitale kameras verslag doen. As jy dus droom oor 'n opwindende manier van ekstra geld verdien, maar nog nie gereed is om jou huidige werk vaarwel toe te roep nie, is Allemansjoernalistiek net die een vir jou.
Kursusbesonderhede:
-
Duur: 6 weke
-
Modules: 1 les
-
Kursusfooi: R1,145
Wat jy sal leer:
-
Inleiding tot allemansjoernalistiek (citizen's journalism)
-
Wat se toerusting het jy nodig om 'n allemansjoernalis te word?
-
Waar kan jy jou werk verkoop?
-
Hoeveel geld kan jy verdien?
-
Verstaan waarom Allemansjoernalistiek bestaansreg in die huidige samelewing het
-
Verstaan hoe die koeranthiërargie werk
-
Weet uit watter elemente 'n goeie nuusberig bestaan
-
Leer die funksies van die vier Ws en die omgekeerde piramide
-
Onderskei tussen berigte en artikels
-
Verstaan die regsreëls van die joernalistieke erekode
-
Leer die korrekte protokol rondom die dekking van hofstories
-
Werk daaraan om foutlose grammatika te gebruik
-
Vergewis jouself van kontrakte, intellektuele eiendomsreg en kopiereg
-
Weet hoe om fotografie as hulpmiddel vir jou stories in te span
Volledige kursussamestelling:
-
'n Studiepakket met omvattende kursusnotas (30 bladsye)
-
'n Databasis van markte wat spesifiek op Allemansjoernalistiek fokus
-
3 Praktiese skryfoefeninge (wat deur jou opleier nagesien word)
-
3 nuusfoto's
-
'n Sertifikaat van Voltooiing na bevredigende afhandeling van die kursus
Toelatingsvereistes:
-
Basiese skryfvaardighede
-
Rekenaargeletterdheid, e-pos en internettoegang en kamera of selfoonkamera
-
Geen vorige tersiêre kwalifikasie word benodig nie
Slaagvereistes:
Minstens 65%
Sluit
Venster
