Welkom by SA Vryskutskrywer - Kreatiewe Skryfkursusse
Tydskrifkortverhale wat VERKOOP
Jou persoonlike opleier:
Wie vir dié kursus moet inskryf:
As jy iemand is wat tydskrifte grootliks vir die kortverhale koop, kan jy maar naderskuif en die kursus bedink.
Tydskrifkortverhale word nie per toeval gepubliseer nie ... die skrywer daarvan het ure, dae en selfs weke geswoeg om daardie spesifieke tema en woorde te kies wat jou so vasgenael hou tot by die slotparagraaf.
Jy kan ook kortverhale vir tydskrifte te skryf. Al wat jy benodig is 'n bietjie leiding van iemand wat al menigmaal self daardie skryfpaadjie gestap het ... en die nodige kennis.
Is jy nou gereed om jou eerste tydskrifkortverhaal aan te pak?
As jy in jouself voel dat jy 'n latente skryftalent besit, of jy het 'n werklike begeerte om te kan skryf, maar sien nog nie kans om dadelik 'n roman aan te pak nie, is hierdie die ideale kursus vir jou.
Om 'n tydskrifkortverhaalkursus te voltooi sal jou baie meer selfvertroue gee om eendag daardie ontwykende of sluimerende roman aan te pak ...
Kursusbesonderhede:
-
Duur: 5 maande
-
Modules: 10 lesse
-
Kursusfooi: R3,215 (Kwalifiseer vir tweeledige betalingsopsie)
Wat jy sal leer:
-
Eienskappe van ’n skrywer en die vereistes wat aan hom/haar gestel word
-
Verskil tussen ’n niefiksie- en fiksieskrywer
-
Noodsaaklike toerusting en hulpmiddels
-
Effektiewe administrasie en werkmetodes
-
Kenmerke van ’n kortverhaal
-
Vereistes vir ’n tydskrifkortverhaal
-
Komponente van ’n kortverhaal
-
Tipes kortverhale
-
Ontleding van tydskrifmarkte
-
Karakterbeskrywing, -ontwikkeling en -sketse
-
Voor- en nadele van onderskeie vertellers
-
Doel en algemene reëls van dialoog
-
Beskrywing van tonele en gebeure
-
Alles omtrent intriges
-
Storie-idees en hoe om hulle te soek
-
Struktuur van 'n verhaal
-
Beskrywing van styl
-
Die verskil tussen vertel en wys
-
Vereistes vir eerste en laaste paragrawe
-
Plagiaat, inligtingsbronne en navorsing
-
Vind uit wat bekende skrywers van skryf sê
-
Voorlegging van manuskripte
-
Hoe om nie-aanvaarde manuskripte en kritiek te verwerk
-
Skrywersblok
-
Betalings & Belasting
-
Kopiereg en sindikasie
-
Die skryfproses
-
Redigering
Volledige kursussamestelling:
-
'n Studiepakket met omvattende kursusnotas (170 bladsye)
-
10 Praktiese skryfoefeninge (wat deur jou opleier nagesien word)
-
1 vollengte persklaar tydskrifverhaal wat direk na afloop van die kursus aan ‘n tydskrif van die student se keuse, voorgelê word
-
Databasis van potensiële markte
-
'n Sertifikaat van Voltooiing na bevredigende voltooiing van die kursus
Toelatingsvereistes:
-
Basiese skryfvaardighede
-
Rekenaargeletterdheid, e-pos en internettoegang
-
Geen vorige tersiêre kwalifikasie word benodig nie
Slaagvereistes:
Minstens 65%
