Welkom by SA Vryskutskrywer - Kreatiewe Skryfkursusse
Wat is die verskil tussen 'n roman en 'n kortverhaal? Omtrent 75 000 woorde! As jy dus graag 'n kreatiewe skrywer wil wees, maar nie kans sien of tyd het om nou 'n volledige roman neer te pen nie, kan jy solank jou skrywerstande slyp op 'n kortverhaal of twee. Kom kies jou kursus ...
-
Die ABC van Kortverhale
Kortverhaalbundels
is deesdae van die beste verkopers op winkelrakke. Miskien het dit te make met
die feit dat die lewe so gejaagd geword het ... mense verkies om korter stories
te lees want daar is net nooit meer tyd om soos in die ou dae met 'n lekker dik
roman te lê en ontspan nie. Dis die een kant van die storie. Die ander rede vir
dié vinnige verkoopsyfers kan natuurlik wees omdat 'n kortverhaalbundel so 'n
wye verskeidenheid karakters bevat wat die leser kan boei of ontstel. Jy, as
skrywer, hoef jou nie aan enige rede vir die gewildheid van kortverhaalbundel te
steur nie want met hierdie kursus is jy die persoon wat die mag het om 'n hele
klomp karakters se lewenspaadjies vir hulle te bepaal.
Volledige besonderhede
-
Tydskrifkortverhale wat VERKOOP
Meer
as die helfte van tydskriflesers koop 'n tydskrif spesifiek vir die kortverhale
wat daarin gepubliseer word. Met skrywers te kies en keur kan tydskrifte
vanselfsprekend die room van kortverhaalskrywers gebruik om hul stories vir
hulle te skryf. Dis egter nie die volle waarheid nie ... as jou kortverhaal goed
genoeg is of oor 'n boeiende storielyn beskik wat die verhaleredakteur sal
mesmeraais, kan jy jouself binnekort vestig as 'n
tydskrifkortverhaalskrywer. Hierdie is die kursus wat jou op daardie paadjie sal
help. Volledige
besonderhede
