Kontak Jaco                              

         Jaco Kirsten

 Kursussamesteller en -opleier: Rubrieke                Motorjoernalistiek

Jaco Kirsten is een van Suid-Afrika se bekendste Afrikaanse rubriekskrywers en sy werk is al opgeneem in twee versamelbundels van Weg-tydskrif as onderskeidelik Waar die Leeus Afrikaans Praat en Sonbrand en Braaiboud. ’n Versameling van sy beste rubrieke wat deur die jare in Die Burger verskyn het, is in 2008 deur Tafelberg Uitgewers gepubliseer as Mý kant van die Saak. Jaco se eerste roman, Om na ’n Wit Plafon te Staar het in Mei 2009 verskyn en hy werk tans aan sy tweede roman. Sy “Die Wit Umfaan”-rubriek verskyn elke tweede Sondag in Rapport.

Hy het sy 4-jarige B. Bedryfskommunikasie-graad in 1993 aan die Potchefstroomse Universiteit behaal en daarna as verslaggewer by Die Volksblad begin werk. In 1997 het hy die Association of Advertising Agencies se nagraadse diploma in kopieskryf verwerf en as advertensiekopieskrywer gewerk. 

Van 2000 tot 2004 was hy motorredakteur by Die Burger, waarna hy artikelredakteur by Weg-reistydskrif geword het. Daarna was hy onderskeidelik assistent- en adjunkredakteur van TopCar-motortydskrif, voordat hy redakteur van TopBike-motorfietstydskrif geword het. 

Hy woon tans in Kaapstad waar hy skryf, vryskutjoernalistiek beoefen en betrokke is by internetprojekte. 

Gepubliseerde werke:

• Op hulle stukke – ’n kortverhaalbundel saamgestel deur Jeanette Ferreira (2004)
• Die Lekkerste Lekker – ’n kosboek met kortverhale saamgestel deur Kerneels Breytenbach. (2004)
• Waar die Leeus Afrikaans Praat – Die beste uit Weg-rubrieke, Vol 1. (2007)
• Mý kant van die Saak – ’n versameling my Van Alle Kante-rubrieke wat deur die jare in Die Burger verskyn het. (2008)
• Om na ’n Wit Plafon te Staar – ’n eietydse roman. (2009)
• Sonbrand en Braaiboud – Die Beste uit Weg-rubrieke, Vol 2. (2009)
• Die Bike Boek – ’n pas verskene versameling van Afrikaanse kortverhale oor motorfietse, motorfietsry en motorfietservarings, saamgestel deur Tobie Brümmer. Ander skrywers sluit in Deon Meyer, Bun Booyens, Dana Snyman en Kerneels Breytenbach. (2009)