Welkom by SA Vryskutskrywer - Gratis goed - Versoeke
Jy is nou op 'n plek waar jy hulp van enige mede-skrywers kan versoek met enigiets waarmee jy besig is of sukkel, hetsy vir artikels, nie-fiksie of fiksie.
-
Het jy dringend 'n spesifieke gevallestudie nodig om jou artikel net daardie tikkie ekstra drama of geloofwaardigheid te gee?
-
Wil jy weet waar om kontak te maak met 'n kenner wat uniek is in sy spesialisveld?
-
Soek jy statistiek oor 'n spesifieke onderwerp of plek?
-
Moet jy kontak met 'n bekende maak, maar kom nie verby sy woordvoerder of bestuurder nie?
-
Sukkel jy met 'n storie wat net nie wil werk nie en jou idees is op?
-
Het jy enige skryfraad nodig?
Hier is die hulpkrete ...
-
Belinda skryf: Ek wil graag weet hoe gaan ek te werk as ek my eie digbundel wil saamstel en laat publiseer. Hoeveel gedigte moet daarin wees, hoe lank moet die gedigte wees, wat is die vereistes, ens. ens.....? Baie dankie. (21/06/2010)
-
Charlotte van Sittert skryf: Ek stel belang om vertaalwerk te begin doen en sal graag wil hoor hoe om te werk te gaan. (21/06/2010)
-
Jeanene Koekemoer skryf: "Gestel ek wil hierdie heerlike romantiese fiksie skryf (jy weet mos: guy meets girl, they fall in love, a jealous ex-girlfriend threatens to ruin everything, the truth comes out and they all live happily ever after…) Hierdie idee is so oud soos die berge en die konsep kan duidelik nie deur kopiereg beskerm word nie, want dis mos een van die 8 basiese storielyne, of hoe?
-
Maar kom ons sê ek het ‘n “spesiale hoek”. Kom ons sê my kinkel in die kabel is dat die “guy” toe al die tyd ‘n ruimtewese is en die “girl” na die maan neem vir hul wittebrood en toe is sy die eerste aardbewoner wat sien die maan is eintlik van Sterling Silwer gemaak, en nie kaas nie.
-
As ek nou hierdie “briljante” storie van my laat publiseer, kan daar net dalkies ‘n ander outeur êrens opspring en roep “Haai! Dis MY storie daai wat ek laas week laat publiseer het / wat ek 20 jaar gelede gepubliseer het.”
-
My vraag is: bestaan daar iets soos ‘n databasis waar skrywers kan kyk of ‘n spesifieke unieke storielyn of hoek al voorheen gepubliseer is? En watter maniere gebruik uitgewers om seker te maak dat die boek wat hulle wil uitgee, hulle nie ‘n peperduur copyright infringement hofsaak op die hals gaan haal nie?
-
Ek weet die bekende Stephenie Meyer het onder andere so stelletjie afgetrap toe die geld begin inrol a.g.v. die Twilight-reeks. Stephenie het mos gesê haar vampierboeke was op haar droom gegrond, en toe sy weer sien, spring daar toe ‘n ander skrywer op wat seker ‘n geldmaakkans gesien het en sê sy het jaaaaaaare gelede al dieselfde idee gehad en laat publiseer. Daar is toe darem wel in Meyer se guns besluit omdat die storielyne nie heeltemal dieselfde was nie. Maar die kans dat so iets gebeur hinder my nogal en ek sal graag bietjie raad wil hê asb!
-
NS: Die “briljante” maan-storie is regtig net ‘n hipotese ... vir indien dit dalk totaal whacko klink!" (27/01/2010)
Thomas Mollett stel voor: "Elke mens moet darem minstens kan bewys wat
hy/sy wanneer geskryf het. Baie ou metode wat selfs nog deesdae toegepas word.
Skryf jou storie met jou 'unieke' storielyn, druk dit uit, sit dit in geseëlde
koevert, laat stempel deur Kommissaris van Ede en pos dit aan jouself - as jy
dit kry sit jy dit in kluis. In geval van dispuut kan jy bewys dat jy dit op 'n
sekere datum neergepen het (volgens datumstempel). In geval van toevallige
ooreenkomste (want mense kan ook onderbewustelik goed inneem en daarvolgens
skryf) sal dit maar volgens redelikheid beoordeel moet word. Enkele dele kan
dalk ooreenstem, maar as daar in wese te veel ooreenkomste is sodat jou redelike
mens dit kan agterkom sal dit ‘n probleem raak."
-
Sonjia wil weet: "Hoe kan ek in die vertalersmark inkom? Ek het 'n paar skrywerskursusse geloop en 'n boek geskryf, maar blykbaar kan die boek weens die resessie nie nou uitgegee word nie. Ek het gedink as ek net eers kan begin om naam as vertaler te maak, dit makliker sal wees om my boek gepubliseer te kry. Maar hoe begin ek want ek het nog nooit voltyds vertaalwerk gedoen nie? Ek doen wel tans op 'n vryskutbasis vertaalwerk vir 'n biblioteek vir blindes. Help!" (17/01/2010)
-
Ronel
Holz vra:
"Kan iemand asseblief vir my sê of daar ooit nog
uitgewers is wat digbundels uitgee? Ek het met my eerste bundel die self
publish roete gevolg, maar sien die keer nie kans daarvoor!!
En dan kinder- en kleuterverhale - ek
het 'n hele konsep, die eerste boekie is reeds geskryf en ek het selfs 'n
ilustreerder wat vir my die illustrasies kan doen maar quo vadis nou
daarmee?" (04/01/2010)
-
Irma wil weet: "Wat het van PH Nortjé geword? Is hy nog besig om te skryf?" (01/12/2009)
-
Pieter Venter vra: "Enige idee hoe ek in aanraking kan kom met Jeanne Goosen? Ek wil graag 'n onderhoud vir 'n artikel met haar doen." (01/12/2009)
-
"Ek dink ek het 'n wonderlike idee vir 'n boek. Nou wil ek eers weet hoe en wanneer moet ek 'n uitgewer kontak? Moet ek eers die hele boek klaarskryf of kan ek net met 'n idee smous - soos met artikels?" (01/12/2009)
Benodig jy enige hulp? Gebruik onderstaande vormpie om jou versoek in te stuur en ons plaas dit gratis hier.
Kan jy dalk iemand help? Gebruik dieselfde vorm om jou antwoord in te stuur en ons sal dit aanstuur.
