Welkom by SA Vryskutskrywer - Die Fynskrif
-
SA Vryskutskrywer se webblad vertoon op sy beste in IE8, bladgrootte 1260 x 763. Laai die nuutste weergawe van Internet Explorer hier af.
-
Al SA Vryskutskrywer se kursusmateriaal word in Adobe Acrobat Reader PDF-formaat verskaf. Laai die nuutste weergawe van Adobe Acrobat Reader gratis hier af.
-
E-boeke kan maklik met Adobe Digital Editions gelees word. Laai die nuutste weergawe gratis hier af.
-
Waar moontlik gee SA Vryskutskrywer erkenning aan enige item wat vanaf ‘n ander bron verkry is. Indien SA Vryskutskrywer van jou materiaal gebruik en jy nie erkenning daarvoor kry nie, of indien jy voel dat enige publikasie op hierdie webtuiste ‘n verbreking is van kopiereg of enige ander reg wat jy aan jouself toe-eien, kontak ons asseblief.
-
Tans is geen van SA Vryskutskrywer se kursusse by enige amptelike instituut geakkrediteer nie en SA Vryskutskrywer verskaf slegs 'n Sertifikaat van Voltooiing aan studente wat aan al die vereistes, soos uiteengesit in die kursusmateriaal, voldoen het.
-
Die artikels en hulpmiddels in die gratis afdeling kan afgelaai word, maar hou asseblief in gedagte dat kopiereg op alle materiaal bestaan en dat dit dus die intellektuele eiendom van die skrywer is. Gee asseblief erkenning aan die skrywer van enige materiaal op hierdie webwerf indien jy dit vir enigiets anders as persoonlike inligting wil gebruik.
-
Die webwerf en alle inhoud op die webwerf, insluitende huidige of toekomstige aanbiedings van produkte of dienste, word op ‘n "soos dit is"-basis verskaf en mag onakkuraathede of tipografiese foute insluit.
-
SA Vryskutskrywer aanvaar geen aanspreeklikheid vir skade of verlies gely weens die gehalte, egte oorsprong of die gebruik van die materiaal wat op die webwerf verkoop is nie.
-
Alle private inligting wat verskaf word om 'n bestelling of navraag te plaas word streng vertroulik gehou en sal aan geen derde partye bekend gemaak word nie. Dit sluit persoonlike-, bank- en kredietkaartbesonderhede, telefoonnommers, adres- en e-posbesonderhede in.
-
SA Vryskutskrywer kan nie verantwoordelik gehou word vir veiligheidsfoute wat op 'n gebruiker se elektroniese toerusting voorkom nie (dit sluit jou persoonlike rekenaar en/of ander elektroniese toestelle in wat gebruik word om toegang tot die webwerf te verkry). Veiligheidsinbrake kan veroorsaak word deur 'n tekort aan virusbeskermingsagteware of spyware wat jy dalk onwetend op jou toestel afgelaai het.
-
Alle aankope en kommunikasie geskied via internet en e-pos. Géén landpos word gebruik nie. Die onus rus dus op die gebruiker van hierdie webwerf om seker te maak dat kontakbesonderhede soos e-posadresse waarheen materiaal versend moet word, korrek is.
-
Ontvangs van alle navrae word binne 24 uur erken. Bestellings word ook binne 24 uur na ontvangs van betalings versend.
-
Alle aanlynkredietkaartbetalings word deur PayFast verwerk. Kaarthouers kan na www.payfast.co.za gaan om PayFast se veiligheidsbeleid te lees.
-
As jy verkies om eerder deur middel van ’n elektroniese fondsoordrag (EFT) deur ‘n bank te betaal, moet ’n kennisgewing van bevestiging van sodanige betaling gestuur word aan admin@savryskutskrywer.co.za.
-
Tjekinbetalings het 'n verpligte 10 (tien) werksdae wagtydperk weens die verrekeningstydperk van die bank. Betalings deur middel van 'n tjek word dus eers na 10 (tien) werksdae as "ontvang" beskou.
-
As 'n student die kursusfooi by registrasie ten volle vereffen, word alle kursusmateriaal binne 24 uur ná registrasie elektronies aan die student gestuur.
-
Afbetaling in 2 paaiemente: Dié betaalopsie kan tans weens logistieke beperkinge slegs met 'n direkte betaling in SA Vryskutskrywer se bankrekening gedoen word - 60% van die kursusfooi verskuldig is by registrasie betaalbaar - met ander woorde, voor die aanvang van die kursus en voordat enige kursusmateriaal aangestuur word. Die tweede paaiement - wat die oorblywende 40% van die kursusfooi verteenwoordig - is die daaropvolgende maand betaalbaar. Let egter daarop dat in die geval van dié betalingsopsie, slegs die helfte van die kursusmateriaal in die eerste maand aangestuur sal word. Die res sal by ontvangs van betaling van die tweede en laaste paaiement aan die student versend word. [LET WEL: Hierdie afbetalingsreëling geld slegs kursusse waar die kursusfooie R2 000 en meer beloop. Enige kursusse met kursusfooie van minder as R2 000 is dus onderhewig aan 'n eenmalige betalingsooreenkoms sonder die keuse van afbetaling.]
-
Die fooi van elke kursus en diens word vertoon saam met die kursus of diens. By ‘n spesiale geleentheid, soos byvoorbeeld ‘n uitverkoping of spesiale aanbieding, sal die verlaagde fooi vertoon word.
-
Hoewel SA Vryskutskrywer se administrasie en opleiers alles binne hulle vermoë sal doen om te verseker dat 'n student se manuskrip - hetsy fiksie of niefiksie - vir publikasie aanvaar word, kan ons GEEN waarborg verskaf dat dit wel sal gebeur nie. Dit hang van te veel faktore buite ons beheer af.
-
SA Vryskutskrywer behou hom uitdruklik die reg voor om sonder vooraf kennisgewing veranderings en/of wysigings aan enige kriteria of inligting op hierdie webwerf te maak.
-
SA Vryskutskrywer behou hom die reg voor om sonder vooraf kennisgewing, die fooie en tariewe op hierdie webwerf te verander.
-
Die idees in die Ideesbank word algeheel goedgunstiglik beskikbaar gestel en geen waarborg kan gegee word dat hulle wel deur 'n publikasie aanvaar sal word nie. Die onus rus op die skrywer om die idees te ontwikkel tot 'n volwaardige storie en dit self te verkoop. Ons verskaf slegs die idee.
-
SA Vryskutskrywer plaas eksterne internetskakeladresse ter goeder trou en kan geen verantwoordelikheid aanvaar vir enige foutiewe eksterne skakels nie, asook enige skade wat sodanige eksterne skakels dalk aan 'n gebruiker se rekenaar mag aanrig nie.
-
SA Vryskutskrywer is geheel apolities en géén verbintenis met enige politieke party hoegenaamd kan geïnsinueer word nie. SA Vryskutskrywer bearbei hom vir 'n gelyke speelveld in Afrikaans en enigiemand wat in Afrikaans wil skryf of deelneem aan ons gesprekke, is welkom. Daar is geen uitsluitings nie.
Indien jy enige navrae het of toestemming wil vra om enigiets op hierdie webwerf te gebruik, kontak asseblief vir:
Leoni Benghiat
Adres: Posbus 2442, Klerksdorp, 2570
Telefoonnommers : 018 469 1076 of 074 890 3108
Faksnommer: 086 651 7796
E-posadres: admin@savryskutskrywer.co.za
Webwerf: www.savryskutskrywer.co.za
